Долзарб мавзулар Абитуриент

Ўзбекистон ва Қозоғистон ҳамкорликда автомобиль ишлаб чиқариши мумкин

Бўлимлар: Жамият
Добавлено: 20.07.2016, 16:32

21 июль куни Қозоғистоннинг “СариаркаАвтоПром” компаниясининг техник мутахассисларидан иборат делегация Ўзбекистонда меҳмон бўлади, деб ёзмоқда khabar.kz сайти. Қозоғистоннинг Ўзбекистондаги элчиси Ерик Утембоев икки давлат ўзаро ҳамкорликда янги авторусум ва бутловчи қисмлар ишлаб чиқариши мумкинлигини айтди, деб ёзади Carzone нашри.

“СариаркаАвтоПром” компанияси Toyota, Hyundai, SsangYong, Geely, JAC авторусумлари ва Iveco махсус техникасини ишлаб чиқаради.

Қозоғистон делегацияси “Самарқанд автомобиль заводи”, GM Uzbekistan, JV MAN Auto – Uzbekistan корхоналарида бўлади. Делегация таркибидаги муҳандислар нафақат, умумий мавзуларни, балки ҳамкорлик лойиҳаси бўйича аниқ масалаларни муҳокама қилишади.

Ерик Утембоев асл мақсад “Қозоғистон ёки Ўзбекистонда ишлаб чиқариладиган автомобилларни қайта ишлаб чиқариш эмас, иккала мамлакат ва бошқа давлат бозорларида харидоргир бўлган, ҳамкорларнинг ҳеч бири ишлаб чиқармайдиган русумларни топиш” эканлигини қайд этди.

Google+
WhatsApp
VK
Telegram

Комментарии