Долзарб мавзулар Эътироф - 2016

Ўзбекистонлик ҳакамлар УЕФА'нинг ўқув-семинарда иштирок этади

Бўлимлар: Футбол

Шу йилнинг 20–27 октябрь кунлари Швейцариянинг Женева шаҳрида УЕФАнинг Ҳакамлик маҳоратини ошириш маркази томонидан “Ҳакамликни ривожлантириш дастури” доирасида ўқув-семинари ташкил этилади. Бу ҳақда ЎФФ матбуот хизмати хабар бермоқда

Мазкур ўқув-семинарда ўзбекистонлик ҳакамлардан Найим Қосимов ва унинг ассистентлари Санжар Шоюсупов ҳамда Обид Жумаев, шунингдек, Владислав Цейтлин ҳакамлар инструктори сифатида қатнашади.

“Ҳакамликни ривожлантириш дастури” доирасидаги ўқув-семинарни ўтказишдан кўзланган асосий мақсад – келажакда ФИФА рефериси сифатида етишиб чиқишга салоҳияти бўлган ҳакамларнинг футбол ҳақида умумий билими, ҳакамлик маҳорати ҳамда компьютер саводхонлигини оширишдан иборат.

Мазкур ўқув-семинар якунида қатнашчилар Intermittent Recovery Test Level 1 тестини ишлайди ҳамда инглиз тилидаги футбол қонун-қоидалари ҳақидаги саволларга жавоб беришади. Олинган билим ва кўникмаларни амалда синаш учун ҳакамлар бригадаси Франция ёки Швейцария футбол лигасидаги расмий учрашувлардан бирида ишлайди.

Google+
WhatsApp
VK
Telegram