Ташкент +4° Mon 02:10
Долзарб мавзулар Фото

ЮРАГИ ХАСТАЛАРГА ОЛИМЛАР ИХТИРОСИ ЁРДАМ БЕРАДИ

Бўлимлар: HI-TECH
Теглар:
Добавлено: 10.10.2017, 17:00

Кўпчилик анатомия, физиология фанларида ўрганилмаган нарса қолмади, деб ўйлашмоқда. Аслида эса бу фанларни ўрганганингиз сари янада мукаммалликларни ҳис қила бошлайсиз...

Масалан, Массачусетс тадқиқотчилари юракда турли ҳодисалар туфайли нобуд бўлиб, ўз фаолиятини йўқотган ҳужайраларни қайта тиклашга ёрдамлашувчи янги иммун ҳужайрани топишди. Бу ҳужайра ҳозиргача илм-фанда маълум эмас эди. Унинг вазифаси шундайки, тобора заифлашаётган ҳужайранинг қайта тикланишида кўмаклашади. Олимлар бу ҳужайра фаолиятини ўрганиб, уни янада яхшилаш йўлларини тадқиқ қилишди ва янги формула ишлаб чиқишди.

Бу тадқиқотни юрагида нуқсони бор сичқонда синаб кўришди. Маълум муддатдан кейин сичқоннинг юрагида ўзгариш юз бера бошлади. Бир ой олдин фаолиятини йўқотган ҳужайралар ўз фаолиятини тиклай бошлади. Олимларнинг айтишларича, бу каби ҳужайралар инсоннинг барча органларида мавжуд. Фақат турли препарат, реакциялар таъсирида маълум бир аъзо ҳужайралари ва бунинг оқибатида уларни тикловчи ҳужайралар ҳам нобуд бўляпти.

Олимлар мазкур тадқиқот устида ишламоқдалар. Улар бу турдаги ҳужайраларнинг фаолиятини янада яқинроқдан ўрганишлари кераклигини айтишмоқда.

Google+
WhatsApp
VK
Telegram

Комментарии