Ташкент +12° Wed 03:20
Долзарб мавзулар Фото

Ёлғон маълумот берган фуқаро жавобгарликка тортилди

Бўлимлар: ЖИНОЯТ
Теглар:
Добавлено: 13.01.2018, 09:28

Тошкент шаҳрининг Чилонзор туманида ички ишлар ходимларига ўғрилик ҳақида ёлғон ахборот берган эркак жавобгарликка тортилди. Бу ҳақда Тошкент шаҳар ИИББ маълум қилди.

«10 январь куни соат 22:50 ларда Чилонзор тумани Ички ишлар бошқармасига фуқаро Хамидов Бахтиёр Шукуровичдан унга тегишли Matiz русумли автомашинаси туман ҳудудида олиб қочилгани ҳақида ҳабар келиб тушди», — дейилади ахборотда.

Хабар асосида ҳодиса содир бўлган жойга тергов-тезкор гуруҳи етиб борди.

Ўтказилган текширув натижасида Б.Ш. Хамидовнинг бошқарувида бўлган Matiz Чилонзор тумани Ц-мавзеси ҳудудида қулфланган ва соз ҳолатда тургани, фуқаро маст ҳолда бўла туриб, унинг автомашинаси олиб қочилгани ҳақида ёлғон хабар бергани аниқланди.

Ҳолат юзасидан Б.Ш. Хамидовга нисбатан МЖтКнинг 199-моддаси (махсус хизматларни қасддан алдаб чақирганлик) билан маъмурий баённома расмийлаштирилди.

Google+
WhatsApp
VK
Telegram

Комментарии