41

Анвар қори Турсуновнинг ҳаёт йўли ва илмий фаолияти

ЖАМИЯТ 14.06.2018, 10:26
Теги: хотира
2114
Анвар қори Турсуновнинг ҳаёт йўли ва илмий фаолияти

Аллоҳнинг қадари… Ислом олами ўзининг яна бир олимидан айрилди. Маърифат аҳли, бадиёт олами мудаққиқ Навоийшунос олимидан айрилди. Нафақат Тошкент, балки бутун Ўзбекистон ўзининг нотиқ воизи, маърифат йўлида жонкуяр тарбиячиси Анвар қори Турсуновдан айрилди. Бу жудоликнинг ўрни тўлиши қийин…

Қуйида биз азизи устозимизнинг ҳаёт йўллари ва илмий фаолиятлари ҳақида маълумот келтирамиз:

Анвар қори Турсунов Қўчқорович 1958 йил 21 ноябрда Тошкент шаҳри Ҳамза туманида хизматчи оиласида туғилдилар.

1966-1976 йилларда Ҳамза туманидаги 198-умумий ўрта таълим мактабида таҳсил олганлар.
1981 йил Тошкент Давлат университетининг филология факультетини, 2001 йил Тошкент ислом институтини тамомлаганлар.
1981-1984 йй. – “Ёшлик” журналида муҳаррир
1984-1987 йй. – Ўзбекистон Фанлар Академияси илмий ходими
1987-1989 йй. – Тошкент шаҳар, Абдулла Қаҳҳор уй музейи илмий ходими
1989-1994 йй. – Ўзбекистон Ёзувчилар уюшмаси қошидаги таржима ва адабий алоқалар маркази Шарқ адабиёти бўйича катта муҳаррири
1994-1999 йй. – Тошкент шаҳар, Яшнобод тумани, “Янгиобод” жоме масжиди имом-хатиби
1999-2015 йй. – Тошкент шаҳар бош имом-хатиби ҳамда Тошкент шаҳар, Шайхонтоҳур тумани «Хўжа Ахрор Валий» жоме масжиди имом-хатиби
2015 йилдан– Тошкент шаҳар бош имом-хатиби ҳамда Тошкент шаҳар, Юнусобод тумани «Минор» жоме масжиди имом-хатиби вазифасида фаолият юритиб келдилар.

Шунингдек, Анвар қори Турсунов ўзларининг кўп йиллик меҳнат фаолияти давомида ишдан ажралмаган ҳолда Тошкент ислом университети ва Тошкент ислом институти, Тошкент Давлат педагогика институти талабаларига дунёвий ва диний фанлардан сабоқ бердилар. У диний ўқув юртларида олган билим ва малакасини зиёда этиш мақсадида замонасининг энг забардаст алломаларидан ҳам тегишли сабоқларни олиб, уларнинг илмий суҳбатларидан баҳраманд бўлдилар. Жумладан, Абдулазиз қори, Шайх Зиёвуддинхон ибн Эшон Бобохон, каби уламолардан илм ва маърифат сирларини истифода этиш бахтига мушарраф бўлганлар.

Анвар қори Турсунов 1989-1992 йилларда Қуръони каримнинг биринчи таржимасига (Шайх Алоуддин Мансур таржимаси) муҳаррирлик қилганлар. Анвар қори Турсуновнинг Али ибн Аҳмад Найсобурийнинг «Асбобун нузул» («Оятларнинг нозил бўлиш сабаблари») таржимаси, «Фазилатлар китоби», «Инсон мукаррам зот» номли китоблари нашр этилган. Беш юздан ортиқ илмий тақриз, сўзбоши диний-маърифий мақолалар муаллифлари саналадилар.

Анвар қори Турсуновнинг ижодий фаолияти 1981 йиллардан бошланган. Ўзбекистон мусулмонлари идораси фатволарининг лойиҳаларини тайёрлашда иштирок қилиш, диний нашрлар ва маҳаллий матбуотга мақолалар ёзиш, халқаро анжуманларда маърузалар билан иштирок этиш, диний ва илмий мавзуларда бошқалар томонидан ёзилган асарларга муҳаррирлик қилиш, маҳаллий радио ва телевидениенинг маънавий ва маърифий дастурларида бошловчилик ва чиқишлар қилиш каби ишлари унинг таржима, таълиф ва тасниф соҳасидаги фаолиятига ёрдам берди. Хусусан: «Шарқ юлдузи», «Жаҳон адабиёти» журналлари, «Ўзбек адабиёти ва санъати» газеталарида Алишер Навоий ижоди ва фаолияти, Навоийшунослик ва тасаввуф илми ҳақида кўплаб илмий, маърифий-маънавий мақолалари билан иштирок этиб келганлар.

Анвар қори Турсунов 1999-2017 йилларда Ўзбекистон телеканалининг «Ҳидоят сари» кўрсатувига бошловчилик қилдилар. 2016- йилдан “Маданият ва маърифат” телеканалининг “Одоблар хазинаси”, “Насойимул муҳаббат” кўрсатувлари бошловчиси эдилар.

Анвар қори Турсунов “Ўзбекистон Мустақиллигига 25 йил”, “Ўзбекистон Конституциясига 25 йил” эсдалик нишонлари, 2014 йилда Ўзбекистон Республикаси Вазирлар Маҳкамаси ҳузуридаги Дин ишлари бўйича қўмита, Ўзбекистон мусулмонлари идораси, Тошкент ислом университети, Матбуот ва ахборот агентлиги, Ўзбекистон Миллий телерадиокомпанияси ҳамкорлигида ташкил этилган «Сарҳисоб» танловида «Йилнинг энг фаол тарғиботчиси» мукофотлари билан тақдирланган.

Аллоҳ таоло дин хизматида, халқ хизматида яшаб ўтган муҳтарам устозимизни муборак Рамазон кунларининг баракоти ва шарофати билан раҳматига, мағфиратига олсин, барча хайрли амалларини ўзларига ҳамроҳ қилиб, буюк жаннатлари билан мукофотласин.

ЎМИ Тошкент шаҳар вакиллиги Матбуот хизмати

Комментарии

Ислом Каримов болалигида кимга ўхшагиси келган?

07.11.2018, 15:00

Ислом Каримов фонди Ўзбекистоннинг Биринчи президенти рафиқасининг хотираларини эълон қилди.Татьяна Каримова Ислом Каримовнинг болалиги уруш ва урушдан кейинги оғир дамларга тўғри келгани ҳақида ёзди:"Урушдан кейин...
Марҳума хонанданинг энг сўнгги интервьюси ва ҳамкасбларининг хотиралари

06.11.2018, 15:32

“Кишмиш қўшиб бол бераман – есангиз. Юрагимдан жой бераман – келсангиз...” Ушбу сўзлар билан эстрада йўналишида ўз дастхатини қолдирган Хоразм воҳаси вакили Азиза Ниёзметова 14...
Хотирангиз абадий бўлсин — Лола Каримова-Тиллаева Ислом Каримовни ёд олди (видео)

02.09.2018, 13:08

Бугун, 2-сентябрь Ўзбекистон Биринчи президенти вафот этган кун. 2017 йилнинг 25 январида ушбу кун расман Ислом Каримов хотира куни деб эълон қилинган эди.Ушбу муносабат билан...
"Китобни севувчи ва унга мунтазам тарғиб этувчи зот эдилар"

22.06.2018, 17:24

Рамазон – Аллоҳ таоло Ўзи улуғлаган, ҳар сонияси раҳмат ва баракотларга тўла ой. У яна келди ва яна жуда тез ўтди. Мўмин киши учун Рамазоннинг...
Тема дня: Фото
Погода: Ташкент
+12° ясно
Курсы валют
9455.24
USD 21.9
10438.58
EUR 84.55
147.25
RUB 1.5
rightuz