Ташкент +30° Sat 13:26
Долзарб мавзулар Фото

188 мингдан ортиқ рухсатномасиз зиёратчилар Маккага киритилмади

Бўлимлар: ДУНЁ
Теглар:
Добавлено: 10.08.2018, 11:06

Саудия Арабистони ҳукумати Ҳаж мавсумида зиёратчиларнинг хавфсизлигини таъминлаш, зиёратчиларга қулайликлар яратиш, зиёрат пайтида ҳаддан ортиқ тирбандлик ҳолатини олдини олиш мақсадида мамлакатда яшовчи ва хориждан рухсатномасиз Макка шаҳрига кирмоқчи бўлган шахс ва машиналарни назорат қилади.

Бугун, 9 август куни Ҳаж хавфсизлик кучлари қўмондонлигининг хабар беришига қараганда 188 464 нафар зиёратчилар Макка шаҳрига киритилмаган. Бунинг асосий сабаби сифатида уларда Ҳаж рухсатномасининг йўқлиги экани қайд этилган, деб ёзмоқда ЎМИ Матбуот хизмати.

Saudi Press Agency (SPA)нинг маълум қилишича, Макка шаҳрига кириш ва чиқиш қаттиқ назоратга олинган. Шаҳарга 12 та назорат пункти орқали кириш йўлга қўйилган.

Макка шаҳрига фақатгина Ҳаж рухсатномасига эга зиёратчилар ва Ҳаж мавсумига ишлашга рухсат берилган шахсларгина киритилади.

Ушбу қоидаларни бузган шахслар 2,6 минг АҚШ доллари миқдоридаги жаримага тортилиши маълум қилинган.

Маълумот учун, 2017 йилда Ҳаж қилиш учун 2,35 миллион зиёратчи Макка шаҳрига келган бўлиб, шундан 1,75 миллион нафарини хорижликлар ташкил этган.

Google+
WhatsApp
VK
Telegram

Комментарии