Ташкент +4° Fri 02:39
Долзарб мавзулар Фото

Моҳандас Карамчанд Гандининг “Менинг ҳаётим” китоби ўзбек тилида нашр этилди

Бўлимлар: МАДАНИЯТ
Теглар:
Добавлено: 21.09.2018, 20:57

Ўзбекистон Матбуот ва ахборот агентлиги хабар беришича, “Ўзбекистон” нашриёт-матбаа ижодий уйи томонидан Ҳинд халқининг озодлиги ва мустақиллиги учун курашган давлат ва жамоат арбоби Моҳандас Карамчанд Гандининг “Менинг ҳаётим” китоби нашр этилди.

Ушбу китоб жаҳоннинг кўплаб тилларига таржима қилинган. “Менинг ҳаётим” таржимаи ҳол китоби. Аммо у муаллиф ҳаётигагина чизгилар бермайди, балки таржимаи ҳол баҳонасида Ганди ўзининг бутун дунёқарашини, ҳаётда кўзлаган мақсадларини ошкора ва холисона ифодалаб беради. М. Ганди ўзининг кечинмаларига бой ҳаёти билан Ҳиндистон халқи учунгина эмас, балки бутун дунё халқлари учун намуна бўлиб қолди.

Нашриёт-матбаа ижодий уйида ҳинд адабиётининг асосчиларидан Робиндранат Тагорнинг 8 жилдлик асарлари ҳам нашрга тайёрланмоқда. Бу мажмуа охирги марта 1953 йилда ўзбек тилида чоп этилган бўлган.

Ҳиндистон давлат мадҳиясининг муаллифи Р. Тагор асарлари жаҳоннинг кўплаб тилларида таржима қилинган. Унинг асарлари ҳинд адабиётининг юксак чўққиси ҳисобланади. Адибнинг назм ва насрда яратган образлари ўзининг юксак пафоси инсонийликни ёрқин бўёқларида тараннум этиши билан ўқувчилар қалбини забт этган. Нашрга тайёрланаётган ушбу китоблар ҳам ўзбек китобхонларга манзур бўлиши табиий.

Google+
WhatsApp
VK
Telegram

Комментарии