Долзарб мавзулар Фото

Россия Туркияга С-400 “Триумф” зенит-ракета қисмларини етказиб берди (Видео)

Бўлимлар: ДУНЁ
Теглар: Видео
Добавлено: 14.07.2019, 20:01

Россия Туркияга С-400 “Триумф” зенит-ракета мажмуаси қисмларининг илк партиясини етказиб берди, дея хабар бермоқда Лента.ру нашри.

Бу ҳақда Туркия мудофаа вазирлиги маълум қилди. Расмий Москва Зенит ракета мажмуаси икки давлат раҳбарлари ўртасида эришилган келишув асосида етказиб берилаётганини тасдиқлади. Ушбу ҳаво ҳужумига қарши мудофаа тизимларининг сотиб олиниши Туркиянинг НАТО даги ҳамкорлари норозилигига сабаб бўлмоқда. Вашингтон бу мажмуаларнинг сотиб олинишига кескин қаршилик кўрсатди. Оқ уй маъмурияти Анқарага бунинг ўрнига ўзининг “Пэтриот” мажмуаларини таклиф этиб чиқди. Бироқ Туркия президенти Москва билан яқинлашишни афзал билди. Экспертларнинг таъкидлашича бу Туркия ва АҚШ муносабатларининг кескинлашувига олиб келиши мумкин. Ҳозирда АҚШ Туркияга қирувчи- бомбардимончи F-35 самолётларни сотишни тўҳтатиб қўйди. Бундан ташқари расмий Вашингтон Туркияга санкциялар жорий этиш билан таҳдид қилмоқда. Эришилган келишувга мувофиқ 2,5 млрд доллар эвазига Россия Туркияга С-400’нинг 4 та дивизионини етказиб беради. Аввалроқ Туркия С-400 мажмуаларини Сурия билан чегарада жойлаштиришни режалаштираётгани маълум қилинганди.


Google+
WhatsApp
VK
Telegram

Комментарии