Долзарб мавзулар Фото

Германия Вашингтон ва Пекинни музокараларга чорлади (Видео)

Бўлимлар: ДУНЁ
Теглар: Видео
Добавлено: 08.08.2019, 14:37

Германия расмий Вашингтон ва Пекинни кескинликни камайтириш мақсадида музокаралар столига ўтиришга даъват этмоқда. Бу ҳақда Еuronews.com. нашри хабар берди.

Икки давлат ўртасида вужудга келган савдо урушида томонларни муросага келишга чақирмоқда. Ҳозирда кўплаб давлатлар ушбу савдо урушининг оқибатларидан қаттиқ ташвишда эканлигини билдиришмоқда. Германия молия вазири Олаф Шольц ушбу можаронинг янада авж олиши дунё иқтисодиётига фақатгина зарар етказишини таъкидлаб, томонларни ҳотиржамликка ва муаммоларни музокаралар йўли орқали ҳал этишга чақирди. Томонлар ўртасидаги ушбу можаро Германияга ҳам катта зиён етказиши мумкин.

Зеро, аксарият Хитой корхоналари немис ускуналаридан фойдаланади. Кунчиқар мамлакатда ишлаб чиқариш ҳажмининг пасайиши немис машиналарига бўлган талабнинг тушиб кетишига олиб келиши мумкин. Дональд Трампнинг жорий йилнинг 1 сентябридан эътиборан Хитой маҳсулотларига 10 фоизлик божларни жорий этиш тўғрисидаги қарори эса вазиятни янада кескинлаштирмоқда. Ўтган йилнинг декабрь ойида бошланган Вашингтон ва Пекин ўртасидаги савдо музокаралари ҳозирча натижа бермаяпти.


Google+
WhatsApp
VK
Telegram

Комментарии