Му5
46

Расмий хабар: Ангренда «Дамас» поезд вагони остида қолди. Қурбонлар бор

ЖАМИЯТ 10.09.2019, 10:30
545
Расмий хабар: Ангренда «Дамас» поезд вагони остида қолди. Қурбонлар бор

Бугун, 10 сентябрь куни тонгда «Xabar.uz» мухбирлари Ангрен шаҳридан ўтадиган трассасида даҳшатли йўл-транспорт ҳодисаси рўй бергани ҳақида хабар беришди. Фавқулодда вазиятлар вазирлиги ушбу ҳодиса юзасидан расмий ахборот берди.

2019 йил 10 сентябрь куни соат 04:00ларда Тошкент вилояти Ангрен шаҳри ҳудудидан ўтувчи А-373 М-39 «Гулистон-Бўка-Ангрен-Қўқон-Андижон орқали-Ўш» автомобиль йўли 173 кмнинг «Облиқ» темир йўл станциясидан Олмалиқ КМКнинг Кон бошқармасига қарашли «Ангрен Олтин саралаш фабрикаси»га олиб борувчи темир йўл шахобчасининг (подъездной путь) кесишмасида автотранспорт воситалари ва юк ташиш поездининг тўқнашиши оқибатида ЙТҲ содир бўлган.

«Тошкент-Водий» йўналиши бўйича ҳаракатланиб кетаётган «САМС» русумли д/р 01 506 CGA юк машинаси Ангрен шаҳар ҳудудидан ўтувчи А-373 М-39 «Гулистон-Бўка-Ангрен-Қўқон-Андижон орқали-Ўш» автомобиль йўлининг 173 кмда хайдаб кетаётиб, юк вагонларни тортиб кетаётган тепловознинг 8-вагонига урилган. Натижада вагонларнинг 2 таси изидан чиқиб кетиб, қарама-қарши йўналишда турган «Дамас» русумли, д/р 50 W 363 MA автомобилини босиб қолган.

Натижада, «Дамас» автомобилда бўлган 5 нафар фуқародан 2 нафари воқеа жойида вафот этган, 3 нафари тан жароҳати олиб, Ангрен шаҳар марказий шифохонасига ётқизилган. Шунингдек, «САМС» русумли автотранспорт воситаси ҳайдовчиси ҳам тан жароҳати билан ушбу шифохонага ётқизилган.

Содир бўлган ЙТҲ юзасидан дастлабки терговолди текширув ишлари олиб борилмоқда.

Шарҳлар

Кун мавзуси: Фото
Об-ҳаво: Ташкент
+8° дымка
Валюта курси
rightuz