Давлат статистика қўмитаси раисининг ўринбосари ўз лавозимидан озод этилди

11:58, 15 апрель

Давлат статистика қўмитаси раисининг ўринбосари Бегалов Баходир Абдусаломович бошқа ишга ўтиши муносабати лавозимидан озод этилди. Бу ҳақда Давлат статистика қўмитаси ахборот хизмати маълум қилди.

Ўзбекистон Республикаси Президентининг 2016 йил 7 апрелдаги қарорига мувофиқ, Бегалов Баходир Абдусаломович бошқа ишга ўтиши муносабати билан Давлат статистика қўмитаси раисининг ўринбосари лавозимидан озод этилди.

Маълумот учун, Баходир Бегалов 1968 йилда туғилган. 1992 йилда Москва иқтисодиёт-статистика институтини битирган. Иқтисодий фанлар доктори, профессор. У 2012 йилнинг майидан буён статистика қўмитаси раиси ўринбосари лавозимида ишлаб келаётганди.

Диққат, диққат! "Даракчи"нинг Telegram’даги расмий каналига аъзо бўлиб, янгиликлардан баҳраманд бўлинг!