Наманганда 2016 йилда икки ўғил бола ва бир қиз ўз жонига қасд қилди

16:11, 15 апрель

Наманган вилоятининг Янгиқўрғон туманида 2016 йилнинг дастлабки уч ойи давомида 3 нафар ўқувчи — икки ўғил бола ва бир қиз ўз жонига қасд қилди. Бу ҳақда “Водий янгиликлари” сайтига асосланиб, “Uz24.uz” хабар бермоқда

Маълумотларга кўра, бу ҳақда ёшларга оид давлат сиёсатини амалга оширишнинг Янгиқўрғон туманида бажарилишини ўрганишга бағишланган кенгайтирилган йиғилишда маълум қилинган.

“Ушбу ҳодисаларнинг туб сабабларини аниқлаш ва бартараф қилиш юзасидан етарли чоралар кўрилмаган”, — дейилади ҳокимлик ахборотида.

Маълумотларга кўра, 2015 йилда ҳам туманда 3 нафар ўқувчи ўз жонига қасд ва суиқасд қилган.

Диққат, диққат! "Даракчи"нинг Telegram’даги расмий каналига аъзо бўлиб, янгиликлардан баҳраманд бўлинг!