Лондонда автобус савдо дўкони билан тўқнашиб кетди

12:50, 16 май

Англия пойтахтида йўл-транспорт ҳодисаси рўй берди. Автобус дўкон пештахтасига келиб урилиб, 13 киши тан жароҳати олди, деб хабар берди “Vesti.ru” нашри.

Йўналишга чиққан, икки қаватли автобус Харлсден Хайстрит кўчасида жойлашган савдо дўконига келиб урилган. Пойтахт “Тез ёрдам” хизматининг берган маълумотига кўра, икки киши жиддий тан жароҳати олган. Бошқалар енгил тан жароҳати олишган, уларнинг ҳаёти хавф остида эмас. Полиция тергов ишларини олиб бормоқда.

Диққат, диққат! "Даракчи"нинг Telegram’даги расмий каналига аъзо бўлиб, янгиликлардан баҳраманд бўлинг!