Россия терма жамоаси Риодаги Олимпиада ўйинларидан четлатилиши мумкин

16:37, 18 май

“Допинг дастури” мавжудлиги тўғрисидаги айбловлар тасдиқланса Россия терма жамоаси жорий йилда Рио-де-Жанейрода бўлиб ўтадиган Олимпия ўйинларидан четлатилиши мумкин.

Бу ҳақда Халқаро олимпия қўмитаси раҳбари Томас Бах Frankfurter Allgemeine Zeitung немис нашрига маълум қилди. 

Навбатдаги допинг-можароси Москванинг антидопинг лабараторияси собиқ бошлиғи Григорий Родченковнинг интервьюсидан сўнг авж олди. Унинг айтишича, Сочидаги қишки Олимпиада ўйинларининг камида 15 нафар ғолиби “допинг дастурининг” самараси саналади. 

Россиялик атлетларнинг Олимпиада-2016 иштироки WADA ўтказган тергов ишлари натижаларига боғлиқ, дейди Томас Бах. 

Агар айбловлар тасдиғини топса, халқаро федерациялар ва Халқаро Олимпия қўмитаси тегишли қарор қабул қилишга мажбур бўлади.

Диққат, диққат! "Даракчи"нинг Telegram’даги расмий каналига аъзо бўлиб, янгиликлардан баҳраманд бўлинг!