“Бунёдкор” ва “Ўзбекистон” метро бекатини боғловчи кўча ёпиб қўйилди

09:47, 24 май

Тошкент шаҳридаги “Бунёдкор”  ва “Ўзбекистон” метро бекатларини боғловчи кўча таъмирлаш ишлари сабаб вақтинча ёпиб қўйилди.    

Маълумотларга кўра, айни пайтда мазкур кўчага асфальт ётқизиш ишлари олиб борилмоқда. Бу ҳолат эса “Новза” метро бекати, Қоратош мавзеси ва “Муқимий” театридан “Истиқлол” санъат саройи томонга келаётган автомобилларнинг тирбандлигига сабаб бўлмоқда. 

Йўлни таъмирлаш ишлари қачонгача давом этиши ҳозирча номаълум. Тошкент шаҳар ҳокимияти маъмурияти йўлни таъмирлаш ишлари ўтказилиши ҳақида ҳайдовчиларни олдиндан огоҳлантирса, мақсадга мувофиқ бўлар эди.

 

Диққат, диққат! "Даракчи"нинг Telegram’даги расмий каналига аъзо бўлиб, янгиликлардан баҳраманд бўлинг!