Дилфуза Исмоилова Шоҳруҳхон ва Асалнинг тўйига биринчилардан бўлиб таклиф қилинди(Фото)

22:49, 26 май 2016

Хонанда Шоҳруҳхон ва актриса Асал Шодиева шу пайтгача ўз муносабатларини сир тутишга уриниб келди. Улар бир-бирини севишларини бирон марта очиқ-ошкора айтмаганликларида ҳам қандайдир ҳикмат бордир, балки?

 

Дастлаб уларнинг “Love Story”  учун фотосессия ўтказгани ҳаммага маълум бўлди. Кейинроқ эса уларнинг тўйи санасидан ҳам бохабар бўлдик. Бироқ, шундай бўлса ҳам хонанда ҳанузгача Асалга уйланаётганини ошкор этмаётган эди. Мана энди, ҳаммаси кундай равшан бўлди. Бугун хонанда Дилфуза Исмоилова узоқ кутилган юлдузли тўйга таклиф этилганини билдириб, икки ёшга бахт тилади. Демак, Шоҳруҳхон ва Асал 5 июнь куни муносабатларини расмийлаштиради. Шоу-бизнес оламида эса яна бир юлдузли оила вужудга келади.

Таҳририятимиз номидан икки ёшга бахт тилаб қоламиз!


 

Диққат, диққат! "Даракчи"нинг Telegram’даги расмий каналига аъзо бўлиб, янгиликлардан баҳраманд бўлинг!