Тошкентда йўловчи автобуснинг устунга бориб урилиши оқибатида 15 киши жабрланди(Фото)

10:37, 09 июнь

Тошкент шаҳрининг Бешқайрағоч мавзесида 53-сонли автобус иштирокида йўл-транспорт ҳодисаси содир бўлди. Бу ҳақда Facebook ижтимоий тармоғининг “Водители Ташкента” гуруҳида хабар қолдирилди. 

ЙТҲ ҳақидаги хабарга илова қилинган суратларда Mersedes Benz русумли автобуснинг йўл четидаги устунга бориб урилгани акс этган. Кучли зарбдан автобуснинг олд қисмига жиддий зарар етган. Гуруҳга ЙТҲ суратларини жойлаган интернет фойдаланувчиси “Устун автобус салонининг ярмигача кириб кетиши учун, у қандай тезликда келаётган бўлиши керак?” деб ёзиб қолдирди.

Ҳодиса гувоҳларидан бирининг айтишича, йўл-транспорт ҳодисаси автобус ҳайдовчисининг қон босими кўтарилиб кетганлиги сабаб содир бўлган. ЙТҲ оқибатида 15 киши жабрланган, уларнинг барчаси шифохонага олиб кетилган.

Диққат, диққат! "Даракчи"нинг Telegram’даги расмий каналига аъзо бўлиб, янгиликлардан баҳраманд бўлинг!



Гость 12:14, 09 июнь
Kechayam yani 8iyun kuni 105-avtobus 99-avtobus bilan ancha yomon to'qnashdi jabrlangala kamida 20ta odam.O'zgarish bekatida bo'ldi.
Гость 12:01, 09 июнь
da kaneshna bunaqa issida yure yomon boladide davlena oshadi bunaqa issuda kartoshka ob ketadiyu bu aftobuzla kanditsanerli aftobuz olish kere