Руслан Шариповнинг онаси: "Инсон бошига тушган барча нарсага ўзи сабабчи бўлади" (Эксклюзив)

12:31, 11 июнь

Шу кунларда Ўзбекистонда хизмат кўрсатган артист, кучли иқтидор соҳиби, бугунгача ҳам хит бўлиб келаётган тароналар муаллифи Руслан Шариповнинг суратлари интернетларда кенг муҳокамаларга сабаб бўлди. Интернет нашрларда чоп этилган мазкур суратлар бутун санъат оламини “оёққа тургизди” десак муболаға бўлмайди. Санъаткорларнинг мазкур суратларга нисбатан қолдирган изоҳларидан Руслан Шариповнинг уйи шу кунларда уларнинг ташрифидан тинмаётган бўлса ажабмас, деган хулосага ҳам келгандик, аммо...

Ушбу фикр ва мулоҳазалар интернетни жунбушга келтирганини инобатга олган ҳолда “Darakchi.uz” ҳамда “Даракчи” газетаси ижодкорлари Руслан Шариповнинг хонадони томон йўл олди.

Ташрифимиз давомида афсуски ўзбек эстрадасининг тирик афсонаси бўлган Руслан Шариповнинг ўзини учратмадик. У шаҳар жазирамасидан қочиб, тоққа дам олишган кетган экан. Бизнинг унинг онаси Лола опа илиқ кутиб олдилар.

—Айтингчи бугунги кунда Руслан Шарипов нималар билан банд?

—Ҳозир тоққа кетган, умуман олганда эса ҳеч нарса билан банд эмас.

Ўз вақтида ўзбек эстрадасининг чўққиларини забт этган Руслан Шариповнинг ҳаётида нима бўлдики, у ҳаммасидан воз кечиб, бугунги аҳволга тушди?

—Оилавий сабаблар ҳам бўлди... Лекин барбир инсон тақдири учун ўзи масъул бўлиши керак, шу сабабдан ҳаммасига барбир ўзи айбдор деб ўйлайман.

Қандай оилавий сабаблар уни ҳамма нарсадан воз кечишига олиб келди?

—Руслан турмуш ўртоғини жуда қаттиқ севарди, ҳозир ҳам севади... Унинг яхши яшаши учун ҳамма шароитларни яратиб берди. Қўша-қўша машиналар, уй юмушларини бажарадиган хизматчилардан тортиб, болаларига қарайдиган энагагача ёллади. Ҳаётини турмуш шароитини доим яхшилашга ҳаракат қилиб юрарди. Кунларнинг бирида хотини Русланга бошқасини севиб қолганини ва унга турмушга чиқишини айтди. Назаримда, Русланда ҳаётга бўлган жуда катта қизиқиш ва иштиёқ ўша онда сўнди.

—Унинг атрофидаги дўстлари у билан бирга бўлишмадими, уни қайтаришга урунишмадими?

—Эстрада оламида ҳеч ким бир-бирига чиндан дўст эмас назаримда, бу ерда ҳаммаси пулга боғлиқ. Бугун юлдузлик даражасига етган қанчасини ўз вақтида шу даражага етишига сабабчи бўлган, аммо уларнинг баъзилари унинг тушкунлик ҳолатидан фойдаланган вазиятлари ҳам бўлди.

Ўғлингизнинг тарқалган суратларини кўрдингизми?

— Йўқ, агар бўлса кўрсатинг.

Суратларга назар солгач...

—Ҳа, бугун у мана шундай инсонга айланган.

Ушбу суратлар бутун халқ ва санъат аҳлини ларзага солди. Отаси қандай инсон бўлган?

—У ҳам ўз соҳасини жуда истеъдодли соҳиби бўлган. Бироқ у ҳам жуда кўнгли бўш одам эди. Руслан ҳам жуда кўнгли бўш инсон, бошига тушган барча нарсага ҳам унинг мана шу ҳарактери сабаб. Кучли эмас, ҳаёт синовларига таслим бўладиган, курашувчанлик қобилияти йўқ инсон.

—Унинг суратларини кўриб, аксарият санъаткорлар бош кўтарди, улардан бирортаси келдими?

—Ҳеч ким келмади. У ишлаган бирор ҳамкасби на Иззат Иброҳимов, на Рашид Холиков ва на Тохир Содиқов, бирортаси келмади.

Бугун у ишламаётган бўлса яшаш учун пулни қаердан оляпти?

—Уйини сотган. Ҳозир мен билан яшаяпти.

—Ўртангизда она ва ўғил муносабатлари қандай?

—Мени яхши кўради, баъзида олдимга келиб оёқларимга бош эгиб йиғлайди. Ҳаётимдаги ҳамма нарсадан азиз инсонимсан дейди.

У ҳамма нарсасини йўқотаётганини ҳаёти тубанликка тушиб бораётганини англаяптими?

—Эҳтимол, лекин билдирмайди. У агар истасам эртагаёқ аввалгидан-да зўр бўлиб кетишим мумкин, дейди.

—Уни ичкилиб балосидан даволаш ҳақида ўйлаб кўрмадингларми?

—У менга ҳеч қандай даволаш керакмас. Истасам мен ўзим ҳамма нарсани уддасидан чиқа оламан. Мен учун асосийси у соғ бўлгани ва ичмагани. Бошқа нарса керакмас менга. Албатта ҳозир уни даволаш ниятидаман ва уни аввалги ҳолига қайтишига ишонаман.

Сўнгсўз ўрнида...

Барбир яна шу гапни такрорлайман, у ўзини шу ҳолга келтирди. Инсон курашувчан бўлиши керак. Кимдандир далда ёки ёрдам кутиб яшаш нотўғри. Шу ҳолга келишига фақат ва фақат инсоннинг ўзи айбдор бўлади. Сенга ёрдам беришмаса, сендан юз ўгиришса, ўзингни шу ҳолга олиб келишинг керак дегани эмаску... Иродали бўлиши керак инсон, бу ҳаётда фақат кучлиларгина ғолиб бўлади!

Ўғлим ундан интервью олмоқчиликларни кўриб, жуда ҳурсанд бўлди. “Мени ҳали ҳам унутишмабди”, деди. Балки ҳозир ўғлим у ҳақида ҳамма қайғураётганини, уни санъатга қайтишини исташаётганини кўрса, уни аввалги ҳаётига қайтишига яна бир бор умид уйғонар...

Лола опа билан сухбатимиз узоқ давом этди...

Лайло РУСТАМОВА сухбатлашди

 

Руслан Шариповнинг ўзи тарқалган суратларига қандай фикрда? У олдида қандай режалари бор? Унинг болалик ҳотиралари, санъатга кириб келиши, фарзандлари ва интервьюнинг тўлиқ талқинини “Даракчи” газетасининг 16 июнь куни сотувга чиқадиган 24-сонида батафсил ўқишингиз мумкин.

Диққат, диққат! "Даракчи"нинг Telegram’даги расмий каналига аъзо бўлиб, янгиликлардан баҳраманд бўлинг!



Гость 11:14, 14 июнь
Тушунмадим “Руслан Шариповни кўп кўраман, қўшнимиз. Туманимиз кўпрок руслардан иборат, шунинг учун унга кўпчилик аҳамият бермайди, танимайди ҳам. Лекин турмуш ўртоғига қойилман, ҳар сафар Руслан маст ҳолатда бўлса ҳам, кийимлари доим тоза ва жойида”. деб қўшниси ёзиб қолдирган КИМГА ИШОНИШ КЕРАК ҲАЙРОНСАН-АААА?
Гость 02:34, 14 июнь
Желаю Руслану прийти в себя и восстановиться на прежний уровень!!!!Ведь жизнь продолжается,терпения от Всевысшнего!!!!
Гость 10:24, 13 июнь
Мен авваламбор Руслан Шариповга сабр тилардим ва ука сифатида шуни айтардимки, Руслан ака узингиз севган ишни давом эттиринг яъни ижод килинг шу иш билан овунасиз, чалгийсз ва канчадан канча одамларга кувонч олиб келасиз...
Гость 08:40, 12 июнь
Руслан Шариповга яна бахт кулиб бокади факат узларига ишончлари ёколмаса булди
Гость 01:33, 12 июнь
olloh bir dard bersa albatta davosini ham beradi bir kun kelib Ruslan sharipovni sanatka qaytishiga ishonaman va bir kun kelib yarim qolgan bahtlarini takror topishini ollohtan sorab qolaman muhlisasi Gozal husanovna
Гость 01:09, 12 июнь
Руслан Шарипов ни унутиб буларканми шундай кучли истедот сохибини ааа хеч качон ман ишонаман Руслан Шарипов яна ва яна катта сахналарда кайтади ашаддий мухлис Самарканд дан Улмас Одилов
Гость 18:15, 11 июнь
Интервьюни Р.Шариповни онаси эмас, кушниси берганган ухшайди, укиганда!!! Фойдаси тегмаганидан кейин Р.Шариповнинг нафакат, эстрададаги уртоклари, турмуш уртоги, балки онасига хам кераги булмай колганга ухшайди. Якинлар ва Дустлар факат пул ва егулик билан ёрдам бериши билан эмас, дустига сузлари билан таъсир кила оладиган одам-дуст булади, колганлар улфатлар ёки хамтовоклардир
Гость 18:01, 11 июнь
Ruslan Sharipov! Hayotta hama narsa bo'ladi. Hayotiz tubdan o'zgarib ketgani, bu hayotizda yana nimadir sodir bo'ladi degani! Hammasi yaxshilikka, nimadir bo'lmagani-nimanidir bo'lishiga! Tushkunlika tushmang!