Гарет Бэйл тарихий натижа қайд этишга муваффақ бўлди

14:49, 21 июнь

Уэльс терма жамоаси ҳужумчиси Гарет Бэйл Россияга қарши (3:0) Евро–2016 турнири “В” гуруҳи 3-турида голлардан бирига муаллифлик қилиб, ўзига хос натижани қайд этди. 

“Реал” ярим ҳимоячиси гуруҳ босқичининг барча ўйинларида гол киритишга муваффақ бўлди. Аввалроқ у Словакия (2:1) ва Англияга (1:2) қарши ўйинларда гол киритганди. 

Бунга қадар олти нафар футболчи бу ишни уддалаган - Мишел Платини (1984), Христо Стоичков (1996), Алан Ширер (1996), Саво Милошевич (2000), Милан Барош (2004) ва Руд ван Нистелрой (2004).

Диққат, диққат! "Даракчи"нинг Telegram’даги расмий каналига аъзо бўлиб, янгиликлардан баҳраманд бўлинг!