Наргиза Абдуллаева: “Бегона баҳор”да менинг ҳаётим акс этган

12:16, 01 июль

“Чархпалак”, “Бегона баҳор” ва “Жийда гули” каби фильм ва сериаллардаги ижроси билан халқ меҳрини қозонган актриса Наргиза Абдуллаева “Сабо” газетасига берган интервьюсида “Бегона баҳор” фильмидаги воқеалар ўз ҳаётида ҳам юз берганини айтиб ўтди.

“Очиғини айтаман, айнан шу фильмдаги воқеалар менинг ҳаётимда ҳам юз берган. Юз фоиз эмас, албатта. Тақдир экан, икки марта турмуш қурдим. Менинча, оилада эркакнинг донолиги—ота-она ва рафиқа ўртасида кўприк бўла олиши. Агар у кўчанинг одамиман, деб уйдаги аҳволдан бехабар юрса, унда нафақат рафиқасини, балки ўзини ҳам қийнаб қўяди. Биринчи марта сценарийни қўлимга тутқазишганида, ўқиб йиғлаб юборганман. Кўз олдимда биринчи турмушимдаги хўрланган кезларим гавдаланган. Чин юракдан шу фильмда суратга тушишга аҳд қилганман. Хуллас, ‘Бегона баҳор’ фильмида маълум маънода ҳаётим акс этган, десам ҳам бўлади”.

Диққат, диққат! "Даракчи"нинг Telegram’даги расмий каналига аъзо бўлиб, янгиликлардан баҳраманд бўлинг!