Россиялик сувга сакровчининг оёғи остидаги трамплин синиб кетди

10:46, 07 июль

Машғулот пайтида россиялик сувга сакровчи спортчи Сергей Назиннинг оёғи тагидаги трамплин синиб кетди, деб хабар берди “Lenta.ru” нашри.
  
Воқеа россиялик спортчилар олипиадага тайёрланаётган Кубада рўй берди. Сергей Назин шериги билан синхрон сакрашга тайёргарлик кўраётиб, трамплиндан сакрамоқчи бўлганда, мослама синиб кетган. Спортчи 10 метр баландликдан сувга қулаган, аммо чаққонлик қилгани боис тан жароҳати олмаган.

Ёзги Олимпиада ўйинлари Рио-де-Жанейро шаҳрида 5 дан 21 августгача бўлиб ўтади.

Диққат, диққат! "Даракчи"нинг Telegram’даги расмий каналига аъзо бўлиб, янгиликлардан баҳраманд бўлинг!