Дональд Трамп АҚШ президентлигига расман номзод бўлди

10:27, 22 июль

Дональд Трамп — Республикачилар партиясидан Қўшма Штатлар президентлигига расман номзод бўлди. Ўзининг розилиги ҳақида у 10 дақиқа олдин ўзининг Кливленддаги партия съездидаги нутқида айтиб ўтди.

“Дўстлар, делегатлар ва ватандошлар! Мен минатдорчилик билан Америка Қўшма Штатлари президентлиги номинациянгизни қабул қиламан, — дейди Трамп съездда. — Ушбу йўлни бошида турганимизда қарийб 14 миллион овоз тўплаймиз деб ким ҳам ўйлапти дейсиз? Бу республикачилар партияси тарихидаги энг кўп овоз. Республикачилар партияси 8 йил олдинги сайловлардан 60 фоиз кўп овоз тўплаш кимни ҳам ҳаёлига келибди? Биргаликда партиямизни Оқ уйга қайтарамиз ҳамда мамлакатимизга хавфсизлик тинчлик ва тараққиётни олиб берамиз!"

Демократлар партиясидан расмий номзод 25 июль куни ўтадиган съездда таништирилади. У Хиллари Клинтон бўлиши кутилмоқда "Россия 24".

Диққат, диққат! "Даракчи"нинг Telegram’даги расмий каналига аъзо бўлиб, янгиликлардан баҳраманд бўлинг!