Ўзбекистоннинг айрим шаҳарларидаги ҳаво ҳароратида рекорд кўрсаткич қайд этилди

11:43, 27 июль

Ўзбекистоннинг иккита шаҳрида иссиқ ҳарорат 54 ва 33 йил аввалги тарихий рекордни ортда қолдирди, дея хабар беради Ўзгидромет.

Синоптикларнинг маълумотларига кўра, 25 июль куни Самарқандда 1962 йилдан бери бўлмаган рекорд ҳарорат қайд этилди. Ўша йили максимал ҳаво ҳарорати плюс 37,9 даражани ташкил қилган бўлса, янгиланган кўрсаткич 39,4 даража бўлди, деб ёзади Podrobno нашри.

Термизда кундузги ҳарорат 25 июль куни 44,1 даражага кўтарилди, бу эса 1983 йилда қайд этилган рекорд 43,3 даражадан юқори.

Диққат, диққат! "Даракчи"нинг Telegram’даги расмий каналига аъзо бўлиб, янгиликлардан баҳраманд бўлинг!