Ироқдаги туғруқхонада юз берган ёнғинда 11 нафар чақалоқ ҳалок бўлди

12:49, 10 август

Ироқнинг Боғдод шаҳрида жойлашган туғруқхоналардан бирида ёнғин юз берди. Оқибатда камида 11 нафар чақалоқ ҳалок бўлди, деб хабар бермоқда “Lenta.ru” 

29 нафар аёл ва 7 нафар янги туғилган чақалоқлар бошқа тиббиёт муассасаларига ўтказилган. Маълумотларга кўра, 10 август, чоршанба куни эрта тонгда “Аль-Ярмуқ” шифохонасининг аёллар бўлимида ёнғин чиққан. Фуқаро мудофааси кучлари ёнғинни бартараф қилган. 

Соғлиқни сақлаш вазирлиги вакили Аҳмад Ар-Радинининг айтишича, ёнғин электр ўтказгичнинг носозлиги оқибатида келиб чиққан.

Диққат, диққат! "Даракчи"нинг Telegram’даги расмий каналига аъзо бўлиб, янгиликлардан баҳраманд бўлинг!