Бугун бутун дунёда инсонпарварлик ёрдами куни нишонланди

16:20, 19 август

Бугун, 19 август куни Бутун жаҳон инсонпарварлик ёрдами куни нишонланди, деб хабар берди “Vesti.ru” нашри.

Бу сана 8 йил муқаддам БМТ Бош Ассамблеяси томонидан белгиланган эди. 2003 йилнинг 19 август куни БМТнинг Бағдоддаги штаб-квартирасига ҳужум уюштирилган эди. Террорчи худкуш ўзи билан бирга 22 кишини портлатиб юборганди. Уларнинг орасида БМТ Бош Котибининг Ироқдаги махсус вакили Сержиу Виейра ди Меллу ҳам бор эди.
БМТ Бош Ассамблеяси резолюциясида жамоатчиликни инсонпарварлик ёрдами кўрсатишга даъват қилиш, бу борада халқаро ҳамкорликни йўлга қўйиш лозимлиги ва муҳимлиги ҳақида айтиб ўтилган.

Диққат, диққат! "Даракчи"нинг Telegram’даги расмий каналига аъзо бўлиб, янгиликлардан баҳраманд бўлинг!