Ўзбекистонлик футболчиларга ғалаба келтирган ягона гол Президент Ислом Каримов хотирасига бағишланди

23:36, 06 сентябрь

Доҳа шаҳридаги "Jassim Bin Hamad" стадионида Қатар ҳамда Ўзбекистон миллий терма жамоалари ўртасидаги ЖЧ-2018 саралаш учрашуви ниҳоясига етди.

Унда 0:1 ҳисоби қайд этилиб, Ўзбекистон термасининг ғалабаси билан якунланди.

Ўйинда ягона гол 86-дақиқада Егор Кримец томонидан киритилди.

Футболчилар ушбу ягона гол ва ғалабани Ўзбекистон Республикасининг Биринчи Президенти Ислом Каримовнинг хотирасига бағишлашди.
Мазкур гол амалда бизга уч очкони тақдим этди ва термамизни 1-ўринга олиб чиқди.

ЖЧ-2018 саралаши, Осиё қитъаси 3-босқич.

Қатар - Ўзбекистон — 0:1

Гол: Егор Кримец (86)

Қатар: Умар Барри, Муҳаммад Мусо, Абдулкарим Ҳасан, Буалем Хуҳи, Карим Будиаф, Аҳмад Ёсир, Родриго Табата (Али Асадулла, 64), Аҳмад ал-Саид, Акрам Афиф, Ҳасан ал-Ҳайдос, Себестян Сория-Куинтана

Ўзбекистон: Александр Лобанов - Виталий Денисов, Егор Кримец, Анзур Исмоилов, Ислом Тўхтахўжаев - Сардор Рашидов (Александр Гейнрих, 60), Одил Аҳмедов, Отабек Шукуров, Сервер Жепаров (Жавоҳир Соҳибов, 81) - Элдор Шомуродов, Игорь Сергеев.

Диққат, диққат! "Даракчи"нинг Telegram’даги расмий каналига аъзо бўлиб, янгиликлардан баҳраманд бўлинг!