Қозоғистон Бош вазири истеъфога чиқади

15:23, 08 сентябрь

Қозоғистон ҳукумати раҳбариятида ўзгаришлар бўлиши кутилмоқда, дея хабар беради РИА Новости Республика Вазирлар Маҳкамасига таянган ҳолда.

«Жума куни ҳукумутнинг кенгайтирилган йиғилиши ўтказилиши белгиланган. Унинг якунларига кўра, мамлакат Бош вазири Карим Масимов ўз лавозимини тарк этади», — дея хабар беради агентликнинг сухбатдоши.

Карим Масимов илк бор ҳукумат тепасига 2007 йилда келиб, ушбу лавозимда 2012 йилга қадар фаолияти юритган. 2012 дан 2014 йилга қадар Қозоғистон президенти маъмурияти раҳбари лавозимини эгаллаган, 2014 йилнинг апрелида Масимов яна мамлакат Вазирлар Маҳкамасига раҳбар этиб тайинланган.

Диққат, диққат! "Даракчи"нинг Telegram’даги расмий каналига аъзо бўлиб, янгиликлардан баҳраманд бўлинг!