Озиш истагида бўлганлар учун 7 маслаҳат!

16:30, 19 сентябрь

1.  Ортиқча вазндан халос бўлишга астойдил киришган бўлсангиз, моддалар алмашинувига ҳалақит берманг. Аввало таомлангандан сўнг ширинлик ейиш одатидан воз кечинг. Шириниликхўрликни тушликкача бемалол бажаришингиз мумкин. Аммо ундан кейин оғзингизга «қулф» солганингиз маъқул. 

2.  Эрталаб нонуштагача бир стакан қайнатиб тиндирилган ёки маъданли сув ичинг. Сув тери ҳужайраларини намлантириб, кексайиш аломатларини секинлаштиради. Шу билан бирга ичаклардаги тиқинларни ҳайдайди. 

3.  Таомномангизда олти турдаги маҳсулот, албатта, бўлиши керак. Булар: ширин, нордон, аччиқ, шўр, чучук ва тахир таъмли егуликлар. Ана шунда организм ўзига керакли бўлган витаминларни қабул қилолади. 

4.  200 гр суюқ асалга яримта лимон шарбати, 1 ош қошиқ янчилган занжабил кукунини аралаштириб қўйинг. Сўнг ушбу аралашмани ҳар куни  наҳорга ярим чой қошиқдан қабул қиласиз. Асал танага қувват берса, занжабил иммунитетни мустаҳкамлайди. 

5.  Овқат вақти суюқлик ичманг.  Таомланишдан 20 дақиқа олдин ёки кейин чой ичиш мақсадга мувофиқдир. 

6.  Кечки соат олтидан сўнг енгил ҳазм бўлувчи таомлар истеъмол қилишини лозим. Агар уйқуга ётишгача очиқсангиз, бодом, майиз ёки яшил олма ейишингиз мумкин. Ётишдан олдин эса бир стакан сут ёки қатиқ ичишга одатланинг. 

7.  Уйқуга ётишдан олдин терини озиқлантирувчи крем билан қўл-оёқ ва қорин соҳасини енгил уқаланг. Муолажа сўнгида терини аста чимдиб олсангиз ҳам бўлади. Бу терида қон айланишини яхшилайди.

Диққат, диққат! "Даракчи"нинг Telegram’даги расмий каналига аъзо бўлиб, янгиликлардан баҳраманд бўлинг!