Россия ташқи ишлар вазири Сергей Лавров БМТ штаб-квартирасига пиёда борди

11:06, 21 сентябрь

Россия ташқи ишлар вазири Сергей Лавров Бирлашган миллатлар ташкилоти штаб-квартирасига пиёда борди, деб ёзади “Вести”.

Россия ташқи ишлар вазирлиги ходими Мария Захарованинг маълум қилишича, Лавров тирбандликда вақтини беҳуда сарфлагиси келмади ва БМТ Бош Ассамблеяси сессияси бўлаётган бинога пиёда юриб борди. 

Унинг сўзларига кўра, Манхэттен Барак Обаманинг кортежи ўтаётган пайтда ёпиб қўйилган, оқибатда эса тирбандлик юз берган.

Бунгача эса Россия ташқи ишлар вазири Сурияни қўллаб-қувватлаш бўйича ўтказилган учрашувда иштирок этган эди.

Диққат, диққат! "Даракчи"нинг Telegram’даги расмий каналига аъзо бўлиб, янгиликлардан баҳраманд бўлинг!