Қирғизистон президенти матбуот хизмати Алмазбек Атамбаевнинг соғлиғи тўғрисида ахборот берди

16:24, 21 сентябрь

20 сентябрь куни Қирғизистон президенти матбуот хизмати Алмазбек Атамбаевнинг соғлиғи ёмонлашгани туфайли тиббий кўрикдан ўтиш учун қисқа муддатли таътил олганини маълум қилган эди. Ҳозирги пайтда Қирғизистон Республикаси президентининг саломатлиги қониқарли аҳволда, деб ёзади “РИА Новости”. 

Алмазбек Атамбаев айни пайтда Туркиядаги клиникалардан бирида даволанмоқда. 

19 сентябрь, душанба куни Қирғизистон президенти юрагидаги муаммолар сабаб Нью-Йоркда ўтаётган БМТ Бош Ассамблеясининг 71-сессиясида иштирок эта олмаслиги маълум бўлган эди.

Диққат, диққат! "Даракчи"нинг Telegram’даги расмий каналига аъзо бўлиб, янгиликлардан баҳраманд бўлинг!