2016 йилнинг энг ҳайратланарли 13 кашфиёти

12:35, 26 сентябрь

Ҳар куни бирор янги кашфиёт ихтиро қилингандан, одам уларнинг барчасига эгалик қилишни истаб қолади. Кечагина китоблардаги фантаст ёзувчиларнинг хаёлот маҳсули бўлган нарсалар бугун реал воқеликка айланмоқда. Қуйида мазкур йилнинг янги 13 кашфиёти билан таништирамиз.

Учувчи бонсай
Ўсимликлар ҳамон оддий тувакда ўсяптими? “Ахир биз келажакда яшамоқдамиз, туваклар парвоз қилиши лозим”, деди Hoshinchu компанияси ва келажакда ҳар бир хонадонда мавжуд бўладиган учувчи тувакларни яратди.

Самолёт ичидаги само
Агар самолётда узоқ вақт учадиган бўлсангиз, зерикиб қолишингиз мумкин. Буни ҳисобга олган Boeing компанияси поли ва шифтига экран ўрнатилган самолётларни ишлаб чиқарди. Экран орқали тунги самони ва булутларни томоша қилиш мумкин бўлади. Бундай самолётнинг салонига кирсангиз, ҳайратдан оғзингиз очилиши табиий ҳолдир.

Қоғозни қайта ишловчи мобиль машина 
Қоғозни қайта ишлаш жараёни кўп вақт ва анчагина қувват сарфлашни талаб қилади. Бу муаммони ҳал этиш учун Япониянинг Epson компанияси, бир неча соатда қоғозни қайта ишловчи кичкина машинани ихтиро қилди. Асосийси бундай машинага бир томчи ҳам сув ишлатилмайди. Бу қурилма ҳар бир идорага ўрнатилса, мақсадга мувофиқ бўлади.

Самолётдаги қутқарув корпуси
Парвоз вақтида хавфсизликни таъминлаш биринчи даражали аҳамиятга эгадир. Шунинг учун олимлар парвозни қулай ва хавфсиз ўтказиш учун янги тизимни ихтиро қилишди. Украиналик инженер Владимир Татаренко самолёт фалокатга учрайдиган бўлса, йўловчилар ўтирган бўлим алоҳида ажралиб, ҳар қандай баландликдан ерга хавфсиз қўниш чораларини кўрувчи тизимни ўйлаб топди.

Кўзи ожизлар учун мўлжалланган планшет 
Бу планшет ёрдамида кўзи ожиз инсонлар минглаб китобларни ўқишлари мумкин. Планшетнинг ичига кўплаб майда сенсорлар ўрнатилган бўлиб, улар сиртдан бўртиб чиққан нуқталар ёрдамида ҳарфларни ҳосил қилади.

Тирик комикслар
Технология ривожлангани сари санъат ҳам бир жойда тўхтаб қолмади. Рассомларнинг boomcori ҳамжамияти тирик комиксларни яратди. Планшетнинг керакли саҳифасини очсангиз, ундаги персонажлар ҳаракатланиб, тилга киради, жонланади. Энди тирик комикслардан кўз узишнинг иложи бўлмайди.

Ҳайдовчилар учун дўкон
Dahir Insaat компанияси ходимлари дунёда илк маротаба ҳайдовчилар учун мўлжалланган Drive Market номли савдо дўконини ишга туширди. Бу ерда ҳайдовчилар машиналаридан тушмаган ҳолда, қисқа муддатда савдо қилишлари мумкин. Қизиқ, у ерга пиёда борганларга хизмат кўрсатиш қандай амалга оширилар экан? 

Эгилувчан, жудаям юпқа экран
Телевизор ишлаб чиқарувчилар жуда ҳам юпқа экранга эга бўлган телевизорни ихтиро қилишди. Энди уни осонгина буклаб, ўзингиз билан олиб юришингиз мумкин.

Бутун бошли дарахтларни кўчирувчи машина
Бу машина “Голландиялик” деб номланиб, бир неча лаҳзада қисқичлари билан бутун бошли дарахтларни кўчириб ўтқазиш хусусиятига эгадир. Бундан дарахтларга шикаст етмайди, уни бемалол бошқа жойга қайта ўтқазиш мумкин.

Дарё тозалагич
“Ҳар қандай шароитда ҳам экология ҳақида қайғуришимиз лозим”, деб Seabinproject компанияси ходимлари сувни ахлатдан тозаловчи махсус қурилмани яратишди. Бу кашфиёт жуда жўн кўринса-да, аммо жуда зарур ихтиролардан бири ҳисобланади. Нега бу ҳақда илгари ҳеч ким ўйламади экан?

Hoverboard платформаси
Биз илгари “Келажакка қайтиш” фильмидаги ховерборд ҳақида маълумот берган эдик. Скейтлар камлиги учун инженерлар ArcaBord номли Ер узра парвозни амалга оширишингиз мумкин бўлган бутун бошли платформани яратишди.

Magic Leap номли улкан голограммалар
Мактаб ичкарисида сузиб юрган улкан китдан ҳам ғаройиброқ нарса бўлиши мумкинми? Magic Leap қурилмаси нафақат баҳайбат денгиз ҳайвонларини, балки қуруқликда яшайдиган аждарҳо, филлар ва бутун бошли бошқа оламларни ҳам жонлантира олади.

Ўт ўчирувчи бомба
Бу бомбача ҳар бир хонадонда ва ҳар бир автомашинанинг юкхонасида бўлиши зарур. Ўзи кичкина бўлса-да, катта ёнғинларни ўчириб, одамларнинг ҳаётини сақлаб қолишга қодирдир.

Диққат, диққат! "Даракчи"нинг Telegram’даги расмий каналига аъзо бўлиб, янгиликлардан баҳраманд бўлинг!