Инсоннинг қайси аъзоси бошқаларига қараганда тезроқ қариши маълум бўлди

12:31, 30 сентябрь

Лондон университети олимлари инсон организмидаги қайси орган тезроқ қариши юзасидан бир қатор текширувлар ўтказишди, деб ёзади “Янгиликлар федераль агентлиги”.

Олимлар 575 минг кишининг саломатлик ҳолатини ўрганишди. Маълум бўлишича, айрим ҳолларда 45 ёшли кишиларнинг юраги 60 ёшлиларникидек ишлаган. Олимларнинг айтишича, бундай ҳолларда носоғлом юрак турли касалликларга чалинишга мойил бўлади ва унинг эгаси бевақт ҳаётдан кўз юмиши мумкин. 

Тадқиқотлар шуни кўрсатдики, Буюк Британияда яшовчи фуқароларнинг ҳа еттитасининг юраги бошқа органларига қараганда 10 ёшга “қарироқ” экан. Бу мамлакат аҳолисининг ҳар 14-да эса юрак 15 ёшга “қарироқ”лиги аниқланди. 

Мутахасисларнинг айтишича, сўнгги пайтларда қондаги холестерин миқдорининг ошиши, диабет ва гипертония аломатлари юрак учун хавф солмоқда.

Диққат, диққат! "Даракчи"нинг Telegram’даги расмий каналига аъзо бўлиб, янгиликлардан баҳраманд бўлинг!