Маникюр ҳақида билишиингиз лозим бўлган 8 маълумот

09:10, 04 октябрь
  1. Тирноқ учун лакни қоронғу ва салқин ерда сақлаш лозим. Масалан музлаткичда.
  2. Асло уни силкита кўрманг. Бунинг ўрнига лак идишини кафтларингиз орасига олиб ишқаланг. Шунда бўялган тирноқларда пуфакчалар ҳосил бўлмайди.
  3. Тез қурийдиган лаклардан эҳтиёт бўлинг. Қадоғида “60 сонияда маникюр” деб ёзилган лаклар таркибидаги тез қуришини таъминловчи моддалар тирноқ пластинасига зиён етказади.
  4. Доим тирноқ атрофидаги терини юмшатиб туринг. Бунинг учун махсус мойлар мавжуд. Бу маникюрингиз озода кўринишига ёрдам беради.
  5. Рангли лак суртишдан аввал асос сифатида оқ ёки тери рангидаги лакдан суртсангиз, маникюрингиз янада ёрқин кўринади.
  6. Тирноқларни бир йўналиш бўйлаб эговлаш лозим. Акс ҳолда улар қават-қават бўлиб нохушлик туғдиради.
  7. Лакни кетказиш воситалари таркибида ацетон бўлмаслигига эътибор қаратинг. Ацетон тирноқни қуритиб, пластиналарга зиён етказади.
  8. Бўёқдан осон халос бўлиш учун пахтали чўпни лакни кетказиш воситасига ботириб олинг ва тирноқ устидан юргазинг. Бир неча сониядан сўнг уни салфетка ёрдамида артиб олсангиз бўлгани.

Диққат, диққат! "Даракчи"нинг Telegram’даги расмий каналига аъзо бўлиб, янгиликлардан баҳраманд бўлинг!