Кўнгил қўйган инсонни ишончини оқлай оласизми?

14:51, 05 октябрь

Ҳар қандай муносабатлар ўзаро ишонч асосига қурилади. Бу турмушнинг энг асосий шартларидан биридир. Атрофдагиларнинг, айниқса, кўнгил қўйган кишингнинг ишончини қозониш эса жуда муҳим. Хўш, сиз бу ишни қанчалик уддалаяпсиз?

1. Севган инсонинингиз ўта шахсий ва маҳфий сирини ошкор этди...

А) Уни ўз сиримдай асрайман.

Б) Сирнинг эгасини ошкор этмай, дугоналарим билан муҳокама қиламан.

В) Ҳаммасини борича оила аъзоларимга етказаман.

2. Учрашувни маълум вақтга белгиладингиз ўз вақтида келасизми?

А) Ҳа, албатта.

Б) Бироз кеч қолишим мумкин, ахир кўчада турли ҳодисалар рўй бериши мумкин-да.

С) Тўғриси билмадим, агар ёдимдан кўтарилмаса бораман.

3. Бўш қолганингизда нималар ҳақида ўйлайсиз?

А) Иккимизнинг келажагимизни тасаввур қиламан.

Б) Машҳурликка эришиш ҳақида орзу қиламан.

В) Бекор ўтиришга вақтим йўқ, доим турли ташвишлар билан бандман.

4. Умумий танишингизнинг тўйига таклиф қилингансиз, аммо кўнгил қўйганингиз бора олмаслигини айтди...

А) У сиз хеч қаерга бормайман.

Б) Борсам ҳам ёнимда эмаслигини ўйлаб сиқиламан.

В) Албатта бораман, ҳаётим фақат унга боғлиқ эмас-ку.

5. Ёрингиз омадсиз муҳаббати ҳақида гап бошласа...

А) Тўғриси бу жуда ёқимсиз, эшитишни истамаган бўлардим.

Б) Мендан шубҳаланаяптимикан деб ўйлаб қоламан.

В)Нима сабабдан бу ҳақда гап бошлади ўзи?

6. Севган инсонингиз бўла туриб, қарама-қарши жинс вакилларига эътибор қарата оласизми?

А) Йўқ, асло. Буни хиёнат деб биламан.

Б) Вазиятга боғлиқ...

В) Бир марта қараш ва табассум ҳадя этиш хиёнатга кирмаса керак? 

Жавоблар:

А — 1 балл;

Б — 2 балл;

В — 3 балл.

0—6 баллгача

Сизга кўнгил қўйган инсоннинг омади бор экан. Ахир ҳар қандай вазиятда ҳам уни қўллаб-қувватлашга тайёр турасиз-да. Ҳатто орангизга масофалар соя солса-да, асло бошқаси ҳақида ўйлаб ҳам кўрмайсиз. Аммо руҳшунослар бундай муносабатни ёқлашмайди. Сиз садоқат тушунчасини ўзни қурбон қилиш деб талқин қиласиз. Албатта, сир сақлай олишингиз жуда яхши, аммо яқин инсонингиз ёнингизда бўлмаса, дўстлар билан кўришиш ва хурсандчилик қилишнинг ёмон томони йўқ. У ҳам садоқатингизга муносиб жавоб қайтара оладими, йўқми? Шу саволга жавоб беринг. Агар “Ҳа” десангиз, бир-бирингизга жуда муносиб жуфтликсиз. Агар иккилансангиз, ҳаддан ортиқ садоқат кўрсатишга хожат йўқ. Эҳтимол, ёрингиздан юз ўгирмаслигингизни аниқ билгани учун  етарлича эътибор кўрсатмаётгандир? Ўйлаб кўринг.

7 — 11 балл

Ёрингизни эшита олишингиз ва тушунишга ҳаракат қилишингиз ишонч уйғотади. Агар узоқ муддат кўришмасангиз, соғинчингизни енгишингиз мушкул кечади. Аммо ўзингизни чалғитиш усулларни ҳам яхши биласиз ва улардан ўринли фойдалана оласиз. Муносабатларингиз жанжалларсиз давом этишини истасангиз, унда шубҳа уйғотиши мумкин бўлган ҳатти-ҳаракатлардан эҳтиёт бўлинг. Масалан, унинг шахсий буюмлари ва қўл телефонини текшириш одатларингиздан воч кечсангиз, ўзаро ишонч янада ортади.

12—18 балл

Эҳтимол кимдир кўнглингизга озор берган-у, шу туфайли атрофдагиларга ишонмай қўйгансиз. Ишончсизлигингизнинг сабаби оддий, ўша воқеалар яна такрорланишидан ҳавотирдасиз. Аммо бу ҳатти-ҳаракатларингизни кўнгил қўйган инсонингизда нотўғри таассурот пайдо бўлишига олиб келади. У ҳам сизга бутунлай ишона олмайди. Шу сабаб ўртангизда жарлик пайдо бўлиши мумкин. Агар муносабатларингизни қадрласангиз, унинг ишончини қозониш учун ҳаракат қилишингиз лозим. Бунинг учун фақат ўзингиз ҳақингизда ўйлайвермай, у нимани исташини тушунишга ҳаракат қилишингиз лозим. Берган ваъдангизда туришга одатланинг ва қўрқувларингизни енгиб, ёрингизга кўнглингизни очинг. 

Диққат, диққат! "Даракчи"нинг Telegram’даги расмий каналига аъзо бўлиб, янгиликлардан баҳраманд бўлинг!