Панжара ортида ақли кирмаган аёл яна оғир жиноят содир этди

16:48, 05 октябрь

Озодлик сўзини жиноий қилмиши учун бир неча йил умрини панжара ортида ўтказишга маҳкум қилинганлар ҳаммадан ҳам яхшироқ тушунишади, назаримизда. Улар учун ҳар бир лаҳза йилларга тенгдек туюлади. Энг ачинарлиси улар ўйламай босган қадамлари учун ўзларини лаънатлаб яшайди. Аммо ўтган кунидан хулоса чиқармаган, озодликнинг қадрига етмаган ношукрлар ҳам учрайди. Хусусан, “Ҳуқуқ” газетасининг жорий йилдаги 38-сонида аёл номига доғ туширган тубан шахс қилмишлари акс этган.

Айни вақтда олтмиш ёшни қоралаган Шоҳида Содиқова 2003 йилда қотиллик жиноятини содир этиб, 15 йил муддатга озодликдан маҳрум қилинган эди. 2009 йилда амнистия туфайли у озодликка чиққан. Афсуски, биринчи жазодан ўзига тегишли хулоса чиқармаган экан. Ш.Содиқова пойтахтимиздаги Талабалар шаҳарчасида атир-упа, кўрпача сотиб юрарди. Ана шу жараёнда у фуқаро Замира Илҳомова (марҳумаларнинг исм-фамилиялари ўзгартирилган) билан танишиб қолади ва тез-тез учрашиб турадиган бўлишди. З.Илҳомова ётоқхоналардан бирида ишлар ва"орифлейм" фирмасининг атир-упаларини сотиб, ўзига қўшимча даромад топиб юрарди. Яқинлик ўзаро қарз олди-бердисига ҳам сабаб бўлди. 2015 йилнинг ав¬густ ойларида З.Илҳомовага пул керак бўлиб қолади ва  Ш.Содиқовадан сўрайди. 5 млн. сум пулни карз сифатида олган З.Илҳомова унга икки ойда қайтаришини айтади. 

Ҳаш-паш дегунча белгиланган ойлар ўтиб кетади. Бироқ З.Илҳомова келишилган муддатда пулни қайтара олмайди. Ана шу қарз 2-3 йилдан буён деярли опа-сингилдек яқин бўлиб қолган икки аёлнинг ўртасига совуқ- чилик туширади. Энди улар бир-бирлари билан тез-тез жанжаллашадиган бўлишади ва 2015 йилнинг охиригача қарзни қайтаришга ваъда беради. 

Қарзи қайтарилишининг кечикишига кўнган Ш.Содиқовага бу ҳолат таъ- сир қила бошлайди. Қандай бўлмасин, қарзини тезроқ олиш ҳаракатига ту-шади. Орадан бир неча кун ўтиб, 2015 йилнинг 12 октябрь куни у З.Илҳомо-ванинг онасиАдибаИлҳомовагақўнғирокқилиб, қизининг қарзи ҳақида гаплашиб, масалага ойдинлик киритиш учун кекса аёлни ижарада турган уйига чақиради.

Она қизи қарз туфайли Ш.Содиқова би¬лан жанжаллашганини яхши билар-ди. Шунинг учун ҳам А.Илхомова ёнига 500 АҚШ долларини солиб, қарзнинг бир қисмини узиш мақсадида Ш.Со¬диқова айтган жойга боришга мажбур бўлади.

Бу вақтда Ш.Содиқованинг нияти бошқа эди. У она-болани ўлдиришни мақсад қилиб, болта ва пичоқ олиб келиб қўяди,

Бехабар А.Илҳомова айтилган манзилга келади. Ш.Содиқова эса кекса аёлни ичкарига таклиф қилади. Суҳбат талашишга, ундан жанжалга айланади ва Ш.Содиқова қўшни хонадан болта олиб чиқиб, А.Илҳомованинг дуч келган жойига ура бошлайди. Аёл кетма-кет зарбалардан жиддий тан жароҳати олиб,  воқеа жойида жон таслим қилади.

Энди Ш.Содиқова марҳуманинг қизини ўлдириш режасини тузади. Қонга беланиб ётган аёлнинг чўнтагидан қўл телефонини олиб, З.Илҳомовага қўнғироқ қилади ва "Онангизни мазалари қочиб қолди", дейди. З.Илҳомова етиб келиб, нима бўлганини англашга улгурмай уни ҳам шафқатсизларча болта билан уриб ўлдирилади.

Шундан сўнг А.Илҳомованинг қулоғидаги 24 млн. сўмлик зирагини, чўнтагидаги 500 АҚШ долларини ва З.Илҳомованинг ҳам қулоғидаги 433 минг сўмлик зи¬рагини ечиб олади.

Энди у аёлларнинг жонсиз таналарини бўлакларга бўлиб, бир неча цел-лофан пакетларга жойлайди ва "Юқори Тошкент" каналига ташлаб юбора- ди.

Ш.Содиқова энди З.Илҳомованинг ўғлини ҳам бир ёқли қилиш пайига тушади, бироқ унинг режалари турли тўсиқлар сабаб амалга ошмайди.

Марҳумалардан хавотир олаётган оила аъзоларига Ш.Содиқова марҳумнинг телефонидан "Хавотир олманглар. Биз 2-3 кунда бориб кела-миз", деган смс-хабар юборади. Аммо улардан бошқа хат-хабар бўлмайди. Шундан сўнг ушбу ҳолат ҳақида ҳуқуқни муҳофазақилувчиорганларга ха¬бар берилади.

Иш буйича дастлабки гумонланувчи Ш.Содиқова эди. Тергов жа-раёнида бу кимса содир этган жиноятига иқрор бўлишдан бошқа чораси қолмади. Жиноят ишлари буйича Тошкент шаҳар суди Ш.Содиқовани хавфли рецидивист деб топди ва жазонинг дастлабки тўрт йилини қамоқда, қол¬ган қисмини қаттик тартибли колонияларда ўташни белгилаган ҳолда 13 йилу 4 ой муддатга озодликдан маҳрум қилиш жазосини тайинлади.

Диққат, диққат! "Даракчи"нинг Telegram’даги расмий каналига аъзо бўлиб, янгиликлардан баҳраманд бўлинг!