Гаитида “Мэттью” довули оқибатида ҳалок бўлганлар сони 1000 кишига етди

11:38, 10 октябрь

Гаитида “Мэттью” довули оқибатида қурбон бўлганлар сони 1000 кишига етди, деб хабар берди “Gazeta.ru” нашри. 

Шимолий ва Жанубий Американинг энг қашшоқ мамлакати ҳисобланган Гаити ҳукумати аъзоларининг маълум қилишича, табиий офат туфайли 1000 киши қурбон бўлган. Шу муносабат билан мамлакатда уч кунлик мотам эълон қилинган. Мотам кунлари мамлакат миллий байроғи туширилади, кўнгилочар жойлар ёпилади, радио ва телевидение дастурларига ўзгартиришлар киритилади.

Диққат, диққат! "Даракчи"нинг Telegram’даги расмий каналига аъзо бўлиб, янгиликлардан баҳраманд бўлинг!