Ўзбекистонга Россия ўлкаларидан совуқ ҳаво оқими кириб келади

16:46, 10 октябрь

Келгуси пайшанба куни Ўзбекистонга Россиянинг Поволжья ҳудудидан совуқ ҳаво оқими кириб келиши натижасида кескин ҳаво ўзгариши кутилмоқда.

Ўзгидрометдан хабар беришларича, узоқ йиллар давомидаги кўрсаткичдан ўртача 2-4˚С юқори бўлган илиқ ҳароратдан сўнг 13 октябрь куни Ўзбекистоннинг айрим ҳудудларида ёмғирлар ёғиб, кучли шамол кузатилади. 

Ҳаво ҳарорати кундузи 8-10 даражага пасаяди. Аммо тоғли туманларда ёмғирнинг қорга айланиши ва ҳарорат минус даражагача пасайиши эҳтимоли бор. 

Совуқ ҳаво оқимининг кириб келиши 1 кун давомида содир бўлади, шундан сўнг, 14-15 октябрь куни ёғингарчилик бўлмайди ва яна ҳаво илийди.

Ҳаво ҳарорати пойтахтимизда 12 октябрь куни кечаси 8-13 ˚С, кундузи 22-27˚С, 13-15 октябрь кечаси 5-10˚С, кундузи 15-20 ˚С , 15 октябрь куни жойларда 22-25˚С кўтарилади.

Диққат, диққат! "Даракчи"нинг Telegram’даги расмий каналига аъзо бўлиб, янгиликлардан баҳраманд бўлинг!