Роналдиньо жамоаси хайрия ўйинида Марадона жамоасини мағлубиятга учратди

08:32, 13 октябрь

Италия пойтахтида Рим Папаси ташаббуси билан иккинчи марта “Дунё ўйини” хайрия учрашуви бўлиб ўтди. Унда собиқ футбол юлдузлари Роналдиньо ва Марадона жамоалари ўзаро тўқнаш келди.

Рональдиньонинг жамоаси 4:3 ҳисобида зафар қучди. Ғолиблар сафида голларга Фредерик Кануте (5-дақиқа), Боян Кркич (34), Эрнан Креспо (67) ва Фернандо Кавенаги (78) муаллифлик қилди. Марадона жамоаси таркибида Антонио Ди Натале (1-дақиқа), Франческо Тотти (22) ва Николас Бурдиссо (68) гол киритишди.

Хайрия ўйинидан йиғилган маблағ гуманитар мақсадларга, хусусан, 24 август куни Италиядаги зилзиладан жабр кўрганларга ишлатилади. 

Диққат, диққат! "Даракчи"нинг Telegram’даги расмий каналига аъзо бўлиб, янгиликлардан баҳраманд бўлинг!