Қалампирдан ҳимояланишнинг 5 йўли

15:15, 17 октябрь
  • Қандай таом аччиқ бўлиб қолишидан қатъи назар, унинг аччиқлигини камайтириш учун овқат таркибидаги масаллиқ миқдорини кўпайтиришингиз мумкин. Масалан, шўрва бўлса, кўпроқ бульон қўшинг, мастава бўлса, гуручни кўпайтиринг.
  • Сут ва сут маҳсулотлари оғиздаги аччиқ қалампир таъмини тез йўқотади. Агар ўта аччиқ нарса еб олган бўлсангиз, сув ичманг. Энг яхшиси, сут ичинг. Йогурт ва сметана ҳам қалампир заҳридан “куяётган тил”га ёрдам беради. 
  • Кислоталар аччиқ таъмни пасайтиради. Уксус, лимон кислоталари аччиқ бўлиб қолган овқатнинг таъмини меъёрлаштиради.
  • Шакар ҳам аччиқни яхши кесади, айниқса кислота билан биргаликда. Агар тайёрлаган томатли соусингиз ўта аччиқ бўлиб қолса, бир қошиқ шакар ва бир томчи уксус ёрдамга келади.
  • Агарда аччиқ қалампирни тўғраганингиздан сўнг тасодифан юзингиз ёки кўзингизни ишқалаб юборсангиз, қалампир теккан жойингизни сут билан ювинг. Аччиқ қалампир тўғраётганингизда қўлингизга юпқа резина қўлқоп тақинг ёки кафтингизга ўсимлик мойидан суртинг.

 

Диққат, диққат! "Даракчи"нинг Telegram’даги расмий каналига аъзо бўлиб, янгиликлардан баҳраманд бўлинг!