Хитойда кичкина пандалар учун боғча ташкил этилди

21:03, 22 октябрь

Хитойдаги пандаларни парваришлаш марказида митти пандачалар учун боғча ташкил этилди, деб ёзади “Вести”.

Боғчада 23 та пандачалар парваришланмоқда. Улар марказ ходими назоратида бўлади. Пандачаларнинг ҳаммаси май ва август ойлари ўртасидаги вақтда туғилган. Ҳар йили янги туғилган кичкина пандачалар мана шу боғчада тарбияланади. Бу йилда пандаларнинг кўпайиши рекорд даражага етди. Жорий йилда туғилган 27 та пандалардан 4 таси ҳорижий давлатларга юборилди. 2015 йилда мазкур марказда 13 та панда туғилган эди.

Марказ ходимлари пандачаларнинг саломатлиги, тана вазни ва озиқ-овқатга бўлган эҳтиёжини назорат қилади.  Бироқ уларнинг иши бу билан чекланмайди. Боғчага ташриф буюрувчилари кўплиги сабабли, улар ҳайвонларга зарар етказмаслиги ҳам назорат қилиб турилади.

 

 

 

Диққат, диққат! "Даракчи"нинг Telegram’даги расмий каналига аъзо бўлиб, янгиликлардан баҳраманд бўлинг!