Ҳомиладор аёл билиши керак бўлган 13 маълумот

12:18, 24 октябрь

Она вужудидаги митти юракнинг овоз бериши жуда ёқимли ҳолат. Айниқса, унинг ҳаракатланиши ўзгача кайфият бағишлайди. Хўш, тўпалончи ҳали туғилмасидан яна қандай шумликлар қилади? 

  1. Ҳомила 11 ҳафталик бўлгач, бачадон девори бўйлаб «юриш»ни бошлайди.
  2. 9 ҳафталик бўлган ҳомила онаси билан мулоқотга киришишни истаб, енгил ҳаракатланади. Аммо жуда кичик бўлгани учун биз буни сезмаймиз.
  3. Ҳомила 30 ҳафталик бўлганида эснайди, 32 ҳафталигида эса қўлларини ҳаракатга келтириб, ўйнайди. Баъзан айнан мана шу муддатда ўтказилган УТТ текширувида эснаётган болакайни кўриш мумкин.
  4. Эмбрионнинг ўғил ёки қиз фарзанд бўлиши 12 ҳафтадан сўнг маълум бўлади. Унга қадар ўтказилган УТТ текширувида эса бола жинсини аниқлаб бўлмайди.
  5. 24 ҳафтадан ўтган ҳомила муддатидан эрта туғилганида ҳам яшаб кетиши мумкин.
  6. Буни қарангки, чақалоқларнинг атиги 5 фоизигина шифокорлар аниқлаган муддатда дунёга келишади.
  7. 6 ҳафтадан 11 ҳафтагача ҳомила ривожланиши жадал бўлиб, буйрак ва ошқозон  аъзолари шаклланади. Шуниси қизиқки, бу аъзолар атиги гуруч донасидек катталикда бўлади.
  8. Туғилажак фарзандингизнинг юрак уришини 22 ҳафтадан сўнг эшитоласиз. Бунинг учун шифокорлар махсус эшитиш мосламасидан фойдаланишади.
  9. Буни қарангки 16 ҳафталик ҳомила бармоқларини мушт қилиб, ҳаракатлантириши  мумкин экан.
  10. Ҳомиланинг ички аъзолари 6-ойгача шаклланса, ундаги ҳис-туйғулар шу ҳафтадан сўнг юзага келади.
  11. Асабий бўлсангиз, ҳомиладорликнинг 7 ойига келиб, бу одатингизни бас қилинг. Чунки етти ойликдан сўнг вужудингиздаги митти «одамча» ташқи омилларга таъсирчан бўлади.
  12. Туғилажак фарзандингиз билан кўпроқ суҳбатлашинг. Ҳомила онасининг овозини яхши эшитади.
  13. Агар 9 ойни 100 фоиз деб тасаввур қилсак, шундан 10 фоиз вақтда ҳомила уйғоқ бўлади. Қолган вақтларда эса ухлайди. 

Диққат, диққат! "Даракчи"нинг Telegram’даги расмий каналига аъзо бўлиб, янгиликлардан баҳраманд бўлинг!