Қора нуқталарга қарши 4 та супер ниқоб

09:49, 26 октябрь

1. Сули ёрмаси + сода + борат кислотаси + қатиқ.

1 ош қошиқ сули ёрмасини майдалаб, устига пичоқ учида сода қўшилади.  Борат кислотасидан 2-3 томчи қўшиб, сўнг қатиқ билан аралаштирилади. Тайёрланаётган ниқоб сметана кўришида бўлиши лозим. Юзнинг қайси қисмида қора нуқталар бўлса, ниқобни ўша ерга суртиб, 15 дақиқадан сўнг ювилади.

2. Хамиртурушли ниқоб

Бир пачка хамиртурушга 3 % ли водород пероксидини аралаштириб, бўтқасимон масса ҳосил қилинади. Тайёр ниқобни юзга айланма ҳаракатлар билан суртиб чиқилади ва 10 дақиқага қолдирилади. Ниқобни илиқ сувда ювгач, муз бўлакчалари билан юз артилади. Сўнг пахмоқ сочиққа теридаги намликни сингдириб, намлантирувчи ва озиқлантирувчи крем суртилади.

3. Тухум оқи + лимон + алоэ

Битта тухум оқига бир чой қошиқдан лимон ҳамда алое шарбати қўшилади. Аралаштириб, юзнинг муаммоли қисмига (юзнинг ҳамма ерига суртиш тавсия этилмайди!) суртиб чиқилади. 15 дақиқадан сўнг юз  илиқ сувда ювилади.

4. Бодяга ўсимлиги + 3 % ли водород пероксиди

Бу ниқоб юз терисида тошмалари ҳамда безовталиги бўлмаганларга тавсия этилади. Қуритилган бодяга ўсимлигини талқон қилиб, водород пероксиди билан аралаштирилади. Бўтқасимон масса ҳосил бўлиши лозим. Ниқобни юзга суртиб, 10 дақиқага қолдирилади. Юзни илиқ сувда ювиб бўлгач, албатта, крем суртишни унутманг.  

 

 

Диққат, диққат! "Даракчи"нинг Telegram’даги расмий каналига аъзо бўлиб, янгиликлардан баҳраманд бўлинг!