Криштиану Роналду: Футболни яхши кўраман, аммо ҳаётимда бошқа қувончлар ҳам бор

10:48, 15 ноябрь

Мадриднинг "Реал" жамоаси ҳужумчиси Криштиану Роналду профессионал фаолиятини имкон қадар узоқроқ бўлишини истамоқда. Шунингдек, у футболдан ташқари ҳаётида бошқа қувончлар бўлишини ҳам айтди, деб хабар беради “Чемпионат”.  

"41 ёшимдан сўнг нима қиламан? Балки, янги шартнома имзоларман. Ҳеч ким келажаги ҳақида ишонч билан гапира олмайди. Мен ўйнашни истайман ва кетишга сабаб кўрмаяпман. Бир-икки йилдан сўнг майдонга тушишимга ҳалақит берадиган сабаб пайдо бўлиши мумкин. Билмайман, кейин нима бўлади, аммо мен узоқроқ ўйнамоқчиман.

60 ёшимгача ҳаваскорлар даражасида ўйнамасам керак. Нима биландир машғул бўламан, ахир футбол ҳаётдаги ягона қувонч эмас. Мен уни жуда севаман, аммо қачонларлир бошқа соҳани ҳам синаб кўриш керак", - дейди Роналду.

Диққат, диққат! "Даракчи"нинг Telegram’даги расмий каналига аъзо бўлиб, янгиликлардан баҳраманд бўлинг!