Шахта босиб қолган шахтёр 17 йилдан кейин тирик топилди

11:39, 23 ноябрь

Бундан 17 йил муқаддам Хитойнинг ғарбида содир бўлган Рихтер шкаласи бўйича 7,8 балли зилзила оқибатида шахта бузилиб, унинг вайроналари тагида 118 нафар шахтёр қолиб кетганди, деб хабар беради “Nonbox.ru” нашри.

Шахта ўшандан кейин ёпиб қўйилган эди. Яқинда қайтадан ишга туширилганда, у ердан бундан 17 йил илгари зилзила оқибатида қолиб кетган шахтёр қутқарилди. У 17 йил давомида ажал комидан тирик чиқиш учун курашган.

Бу 59 ёшли Чунг Ваи исмли шахтёрдир. Унинг аҳволи жуда оғир. Чунг Ваи касалхонага ётқизилди, ҳозирда врачлар унинг жисмоний ва руҳий ҳолатини кузатишмоқда. Шахтёрнинг узоқ йиллар мобайнида тирик қолишига вентиляцион туйнук орқали ҳаво киргани ва шахтада озиқ-овқат маҳсулотлари борлиги сабаб бўлган. Аммо шунга қарамай, у каламуш ва сичқонлар билан озиқланишга мажбур бўлган.

Фавқулодда вазиятларда инсоннинг бундай узоқ вақт давомида тирик қолиши жуда кам учрайдиган ҳодисадир.

Диққат, диққат! "Даракчи"нинг Telegram’даги расмий каналига аъзо бўлиб, янгиликлардан баҳраманд бўлинг!