Профессионал ошпаз Рейчел Рейн: шўрва тайёрлашнинг 8 қоидаси!

12:08, 01 декабрь

1. Шўрвага керакли маҳсулотларни фақат сув қайнаб чиққандан кейингина солинг. Чунки совуқ сув маҳсулот таркибидаги С витаминини ачитиб, шўрва таъмига таъсир этади.

2. Қайнаётган шўрвага сабзавотларни бирданига солманг. Галма-галдан, ҳар хил вақтда қўшинг. Масалан, олдин карамни, 10 дақиқадан сўнг картошкани  шундан сўнг қолган маҳсулотларни солинг.

3. Карамни озроқ ёғ билан қовуриб, таъб беринг-да, сўнг шўрвага солинг. Шунда карам шўрванинг таъми мазали бўлиб, таxирлиги йўқолади.

4. Лавлагили шўрвага ҳам лавлигини алоҳида идишда озгина ёғ ва 2 томчи сирка билан қовуриб олинг. Сирка лавлагининг ёрқин рангини сақлаб туришга ёрдам беради.

5. Дафна баргини таом тайёр бўлишига 15 дақиқа қолганида солинг. Оловни ўчиргач баргларни олиб ташланг,  акс ҳолда шўрва мазаси ўзгаради.

6. Шўрвангиз мазали, иштаҳаочар ва масаллиқлари эзилиб кетишини истамасангиз, сабзавотларни тўғри тўғранг. Вермишелли шўрваларга сомонча шаклда, дуккакли шўрваларга тўртбурчак, карам шўрва учун эса сабзавотлар йирикроқ шаклда кесилади.

7. Суюқ таом ўрта оловдан пастроқ ҳароратда ва узоқ қайнаса, ширали бўлади.

8. Агар овқатингизнинг суви камайиб қолса, асло сув қўша кўрманг, уни ёвғон шўрвага айлантирасиз қўясиз. Яхшиси таом қаттиқ қайнаб кетмаслигини назорат қилиб туринг. Шунда муаммо бўлмайди.

Диққат, диққат! "Даракчи"нинг Telegram’даги расмий каналига аъзо бўлиб, янгиликлардан баҳраманд бўлинг!