Ўзбекистонлик хонанданинг клипи халқаро ELLO канали эфирида пайдо бўлди

23:29, 27 декабрь 2015

Ёш ижодкор Камилланинг "Иллюзия" деб номланган таронасига ишланган видеоклип Youtube канали эфиридан жой олди. Бу хақда Камилла Facebook’даги саҳифасида хабар берди.

MY5 телеканалида намойиш этилган ўзбек тилидаги “Мени севмагандай” клипи, 27 декабр куни рус тилида халқаро ELLO каналида тақдим этилди.

3D форматдаги тўлиқ анимацион клип «Pomidor entertainment» продюссерлик маркази томонидан тайёрланган. Клипни тайёрлаш жараёни 3 ой давом этган.

Клипдаги бош қахрамон Камилланинг ўзидан андоза олинган.

ELLO – дунёдаги 50та энг машхур Youtube каналларидан бири. Ушбу канал жахон эстрадасининг ёрқин юлдузларининг сифатли клипларини томоша қилишга имкон беради.

 

Диққат, диққат! "Даракчи"нинг Telegram’даги расмий каналига аъзо бўлиб, янгиликлардан баҳраманд бўлинг!