Ўзбекистонда фуқароларга ёрдам берувчи инқироз марказлари очилади

19:23, 16 февраль 2016

Яқин йилларда Ўзбекистонда мураккаб вазиятга тушиб қолган одамларга ёрдам берадиган давлат инқироз марказлари тармоғи ташкил этилади. Бу ҳақда “Telegraf.uz” хабар қилмоқда.

Ушбу марказларнинг очилиши ўтган йили ишлаб чиқилган ва ҳукумат томонидан кўриб чиқилаётган «Ижтимоий хизматлар тўғрисида»ги янги қонунда кўзда тутилган. Марказлар қонун қабул қилинганидан сўнг қурилади.
Шу каби марказларнинг яратилиши инқирозли вазиятларни эрта босқичда аниқлаш, аёллар ва болалар учун вақтинча яшаб туриш, ишга жойлаштириш, психологик ёрдам, ҳужжатларни тиклаш ва расмийлаштириш бўйича ҳуқуқий кўмак бериш имкониятини яратади. Шу муносабат билан, ижтимоий ҳимояга муҳтож шахсларнинг ҳуқуқий саводхонлигини ошириш ҳам назарда тутилган.

Диққат, диққат! "Даракчи"нинг Telegram’даги расмий каналига аъзо бўлиб, янгиликлардан баҳраманд бўлинг!



Гость 12:12, 17 февраль 2016
Яхши фикр.. Аммо "ўзбекчилик"ка аралашиб қолмаса бўлди...