Энг намунали милиция таянч пунктларига “Matiz” автомобиллари топширилди

17:02, 29 март

“Туркистон” саройида 29 март куни “Намунали милиция таянч пункти” кўрик-танловининг мамлакат босқичи бўлиб ўтди.

Кўрик-танловнинг мамлакат босқичида Қорақалпоғистон Республикаси, Тошкент шаҳри ва вилоят босқичларида ғолиб бўлган 14 милиция таянч пункти иштирок этди. 

Танлов якунига кўра Тошкент вилояти Юқоричирчиқ тумани “Истиқлол” маҳалласидаги 294-сонли, Андижон вилояти Олтинкўл тумани “Далварзин” маҳалласидаги 194-сонли, Бухоро вилояти Ромитан тумани “Ромитан” қишлоқ фуқаролар йиғинидаги 94-сонли, Қорақалпоғистон Республикаси Элликқалъа тумани “Қилчиноқ” овулидаги 199-сонли милиция таянч пунктлари ғолибликни қўлга киритди. 

Ғолибларга “Matiz” автомобиллари топширилди.

Танловда бир қатор номинациялар бўйича ҳам ғолиблар аниқланиб, улар муносиб тақдирланди.

Диққат, диққат! "Даракчи"нинг Telegram’даги расмий каналига аъзо бўлиб, янгиликлардан баҳраманд бўлинг!