Qozog`iston poytaxti Nur-Sulton shahrida dzyudo bo`yicha kattalar o`rtasidagi Osiyo chempionatining yakkalik bahslari yakunlandi. Bu haqda Sportni rivojlantirish vazirligi xabar berdi.
Bellashuvlarni og`ir vazn toifasidagi polvonlar tugatib berishdi.
Murosasiz bahslar yakunida +100 kg vazn toifasidagi vakillarimiz Bekmurod Oltiboev hamda Shohruh Baxtiyorov bronza medallarini qo`lga kiritishdi.
Shu tariqa, dzyudochilarimiz Osiyo chempionatini 1 ta oltin, 2 ta kumush va 6 ta bronza medallari bilan umumjamoa hisobida 3-o`rinda yakunlashdi.
Yakun:
1. Yaponiya: 9ta oltin, 3ta kumush,
2. Mo`g`uliston: 2ta oltin, 5ta bronza
3. O`zbekiston: 1ta oltin, 2ta kumush, 6ta bronza.
