Minerva city kompaniyasi vakilining OAVga bergan intervyusi muhokamalarga sabab bo`lmoqda. Unda Minerva City asoschisi Jahongir Ortiqxo`jaevni shantaj qilishda aybladi.
“Ortiqxo`jaev menga yoki 100 mln dollar berasan, yoki Lake City loyihasidan voz kechasan, dedi”, - deydi u.
Holatga Toshkent shahar hokimligi munosabat bildirdi.
“Tarqatilayotgan Minerva siti kompaniyasi vakili Murali Lal Jalanning intervyusida Toshkent shahar hokimiga nisbatan aytgan gaplari huquqiy baho berilmagunga qadar davlat xizmatchisini obro`sizlantirishga qaratilgan deb hisoblaymiz.
Murali Lal Jalanning gaplarini asosli yoki asossizligini tekshirish uchun va aybdorlarga nisbatan qonuniy chora ko`rishlarini so`rab O`zbekiston Respublikasi Bosh prokuraturasiga murojaat qilinadi.
Barcha ommaviy axborot vositalarini O`zbekiston Respublikasi Bosh prokuraturasi tomonidan ushbu holatni qonuniy asosda o`rganib chiqilgunga qadar, asossiz ma`lumotlarni tarqatmaslikka chaqiramiz“, - deyiladi rasmiy munosabatda.